kuring rek mulang
waktu anu terus nyerelek
ninggalkeun kuring dina panglamunan
jeung pang harepan anu geus simpe
jigana
poe ieu urang ngan bisa peteuteup
dina panon poe anu geus tilawas
sabab ayeuna panyesaan carita
tina sakabeh kapeurih, kanyaah
jeung kaheman anu kiwari geus teu mere jangji
ukur tibelat nu kapatri na jero ati
teu karasa
lalaunan cimata geus najero dada
nahan kanyeri tina mangsa anu bakal datang
pileuleuyan
pileuleuyan
jaga urang bakal patepang deui
cipasung, 28 april 2004
Purnama Opatwelas
(keur Siti Rahma)
ningali rupa bulan tengah peuting
ngingetan wanci anu kungsi kalunta
cicing jempling
mémpéndéati nu tunggara
; anjeun duka di mana
lalaunan
lambaran mangsa patingjorélat
mang pirang pirang carita patingbelesat
nyimatakeun sumoréang
tina sakabeh kamelang
naha iraha urang bisa patepang
;teu kuat nahan tibelat
ngan anjeun ilang paanggang
Ciputat, april 2007
